Non é raro que entre un grupo de amigos se acabe adoptando unha "sede social" ou fumadeiro habitual: asáltase a casa de quen ten os pais máis "permisivos" e, como non é plan de botar ós vellos da casa, pois habilítase unha habitación na planta baixa que co tempo se convirte en colectiva (para abraio dos propietarios). E como no fondo todos son boa xente, pois asúmese a situación.

Iso é o Kurruntxo, a cova onde esta tropa se refuxia nos tempos de sequía e de fartura, onde se comparten, propoñen e debaten ideas,... e tamén onde algúns pasarían toda a vida se non fose por locais como a Bolera, Chiapas, Reboredo ou o BarTolo.